He Pōkeke Uenuku
He pōkeke uenuku i tū ai,
he tāpūi tamaka i tau ai,
tūtū mai ao ngā pari karangaranga,
hakatau atu ki tuawhenua,
kia māhea te hua mākihikihi,
kia toi te kupu, kia toi te mana,
kia toi te reo, kia toi te aroha,
kia toi te whenua.
Ka hūhū te manu tangi ata,
ki te parenga o tana pāpara
kōhanga,
Ka heke ki tai wīwī,
ka heke ki tai wawā,
Kia pūhia noa mai,
kia pūhia noa atu,
Taku, taku, take, take,
Tū mai te toki,
Haumi ē! Hui ē!
Taiki ē!
Nā Papa Te Kai Mākihā